Bookmark and Share     Sitemap    
 
 
 

SHALOM

VŠlkomin til heimasÝ­una hjß ═sraelsmissiˇnini!
 
 

Return to sender

Vit ynskja, vi­ kŠrleika og vir­ing, at bera gle­ibo­skapin aftur til r°turnar, hitt j°diska fˇlki­, og vi­ or­ og ger­ virka fyri fri­i millum Gud og menniskju og fri­ millum menniskju.
 
 

TÝ­indabrŠv

Tekna teg fyri ˇkeypis TÝ­indabrŠvinum frß ═sraels-
missiˇnini, i­ ver­ur sent vi­ t-posti eftir t°rvi.
Trřst her
 
 

Hjßlp ═sraelsmissiˇnini

Hjßlp okkum at bera ta­ besta vit fingu ˙r
═srael, evangelii­, aftur til ═sraelsfˇlk!
Les meira
 
 

Tey kenna ikki Jesus!

Einans 1% av j°diska fˇlkinum kenna Jesus Messias!
Hv°nn skal eg senda? spyr Harrin. (Jesaja 6.)

Pßskafer­ til ═srael og Jordan

25. mars til 4. apríl 2018

 
Kom við á eina áhugaverda bíbilska ferð bæði til Ísrael og Jordan. Hetta er ein ferð, har ein fær at uppliva væl meira enn tey flestu uppliva á eini Ísraelsferð.
 
Vit uppliva m.a.:
Jordan: Vitja høvuðsstaðin Amman, fara upp á Nebo fjall, har Móses sá inn í lovaða landið, vitja ótrúliga vakra, søguliga býin Petra, sum verður roknaður sum eitt av heimsundrunum.
Ísrael: Slappa av í sólstaðnum Eilat, vitja model av tjaldtemplinum, sum ísraelsfólk nýttu í
oyðimørkini, flóta í Deyðahavinum, vitja fjallaborgina Masada, síggja og uppliva kenda
bíbilska býin Jerúsalem, sigla á Genesaretvatninum, vitja Nasaret, har Jesus vaks upp,
uppliva jødiskar og kristnar páskir og vera við til páskagudstænastu við tómu grøvina
páskadag.
 
Hendan ferðin er eitt gott høvi hjá teimum, ið hava verið í Ísrael áður og ynskja at fara aftur
og samstundis uppliva nakað nýtt. Ferðin er eisini vælegnað hjá teimum, ið ætla sær fyrstu
ferð til Ísraels.
 
Kostnaður:
19.775 kr. fyri hvønn (3.400 krónur eyka fyri einakamar).
 
Íroknað kostnaðin:
Allar flogferðir, bussferðir, gisting á dupultkømrum á góðum hotellum, guide, morgunmatur
og døgurði, drykkipeningur og allar útferðirnar á ferðini.
 
Ikki íroknað kostnaðin:
Ferðatryggingar, gisting í Keypmannahavn á útferðini, ein máltíð um dagin.
 
Kursur:
Kostnaðurin er roknaður út frá kursinum 6,38 fyri 1US$. Um kursurin broytist ella onnur
avgjøld, sum vit ikki kenna í løtuni, koma, kann prísurin broytast.
 
Tekningarfreist:
10. januar 2018.
 
Tekning hjá ferðaleiðarunum:
Marna E. og Frants Jensen, tel 793002, jensenfrants@gmail.com
 
Tað verður gingið nokk so fitt á ferðini, og neyðugt er at vera hampiliga væl fyri. Ferðin
verður til veruleika, um nóg nógv tekna seg.
 
Mynd:
Føroyskt ferðalag í Petra í 2012.

═sraelsmissiˇnin 25 ßra hßtÝ­arhald

 
Sunnukvøldið 29. oktober hevði Ísraelsmissiónin 25 ára hátíðarhald í
missiónshúsinum í Leirvík. Millum annað vóru 12 av 22 volontørum til staðar.
 
Síðani Ísraelsmissiónin varð stovnað í 1992, hevur Ísraelsmissiónin sent 22 volontørar til Ísraels. Summir av teimum hava arbeitt nakrar mánaðir í Ísrael, meðan onnur hava verið upp í fleiri ár. 12 av hesum volontørum vóru við til hátíðarhaldið.
 
Arbeitt út frá kirkju í Norðurísrael
Tann nýggjasti av volontørunum, Kartin Høgnesen úr Leirvík, var í Ísrael í tríggjar mánaðir fyrr í ár. Á hátíðarhaldinum greiddi hann í orðum og myndum frá hansara arbeiði. Hann hevði millum annað verið við í hjálpararbeiði millum heimleyst og rúsmisbrúkarar, eins og hjálpt til í ymiskum arbeiði millum børn, ung og vaksin í eini kirkju í Norðurísrael.
 
Byrjanin – gripin av frelsu Ísraels
Ásbjørn Jacobsen, fyrsti formaður í Ísraelsmissiónini, talaði út frá Rómverjabrævinum 10,1:
“Brøður! Tað er hjartans ynski mítt og bøn til Guds, at teir mega vera frelstir”. Hann legði dent á, at gleðiboðskapurin um Jesus má boðast fyri ísraelsfólki, tí hann er einasti vegur til frelsu. Hann kom eisini inn á, hvussu Ísraelsmissiónin í Føroyum byrjaði, og at hann fyri nógvum árum síðani sjálvur gjørdist gripin av hesum, at jødarnir máttu hoyra gleðiboðskapin.
 
Stuðla verkætlanum í Ísrael
Á tiltakinum varð eisini greitt frá verkætlanum, ið Ísraelsmissiónin stuðlar í Ísrael; millum annað Immanuelskirkjuni í Tel Aviv. Ein filmur varð vístur um arbeiðið har. Biðið varð eisini fyri Ísrael, og tí arbeiði, ið verður gjørt at boða gleðiboðskapin í Ísrael.
Gjøgnum árini hevur Ísraelsmissiónin skipað fyri fleiri ísraelsferðum, og kunnað varð um tvær nýggjar ferðir, nevniliga á páskum komandi ár eins og bíbliuskeiðið í 2019.
 
Søguliga myndir
Kristoffur Olsen ríkaði løtuna við trimum sera góðum sangframførslum.
Borðreitt varð við smurdum breyði og køkum, og tey umleið 80 fólkini, sum vóru við hetta kvøldið, sóu myndir av volontørum, ísraelsferðum, og nógvum tiltøkum, ið Ísraelsmissiónin hevur skipað fyri gjøgnum tíðina.
 
Mynd1:
12 av 22 volontørum hjá Ísraelsmissiónini vóru savnaðir á 25 ára hátíðarhaldinum í Leirvík 29. oktober.

Um ═sraelsmissiˇnina

 
 
Ísraelsmissiónin (ÍM) varð stovnað 20. oktober 1992

Loysunarorð:
Loysunarorð og ynski okkara er tað sama sum Paulusar: "Brøður! Tað er hjartans ynski mítt og bøn til Guds, at teir (Jødarnir) mega verða frelstir! (Rómverjabrævið 10,1)

Endamál:
Ísraelsmissiónin hevur sum endamál at vekja áhuga og kunna føroyingar um, hvat Bíblian lærir um Ísrael og jødafólkið og bera hesum Guds útvalda fólki gleðiboðskapin um Jesus Messias, stuðla teimum í forbøn og við kristnum næstrakærleika.

Tað er okkara skylda sum kristin at bera jødafólkinum tað besta, tey hava borið okkum, nevniliga Jesus Messias, aftur til jødarnar.

Hetta vilja vit gera við at upplýsa um Ísrael, skipa fyri møtum, fundum, stevnum, skeiðvirksemi og øðrum, og eftir førimuni stuðla teimum messiansku jødunum og ávísum tiltøkum í Ísrael, sum fremja endamálið hjá Ísraelsmissiónini.

Ísrelsmissiónin ynskir eisini at stuðla arbeiði, ið verður gjørt at fáa frið millum jødar og arábar, og annars eisini at stuðla kristnum palestinum.

Ísraelsmissiónin stuðlar

Í fleiri ár hevur Ísraelsmissiónini stuðlað arbeiði fíggjarliga, ið verður gjørt í Ísrael at bera Guds orð til Guds fólk.
Aftur í ár stuðla vit trimum ymiskum virksemi í Ísrael. Vit stuðla arbeiðinum í Ímmanuelskirkjuni í Tel Aviv, har vit eisini hava lim í stýrinum, bíbliufelagnum í Ísrael og arbeiðinum hjá Orðið & Ísrael. Við at geva eina gávu til Ísraelsmissiónina, stuðlar tú eisini hesum arbeiðinum.
Vit takka hjartaliga fyri einhvørja gávu.

Meet the People of Israel

 
 
 
 
 
 
 
 
 
Kom til Ísrael í eitt hálvt ár sum volontørur/útsendingur fyri Ísraelsmissiónina? Send okkum ein teldupost ella ring 770707 ella 597777. Les her.

TÝ­indabrŠv og SMS-tŠnasta

Tíðindabrævið, ið er ókeypis, verður sent sum t-postur eftir tørvi.

Fá ókeypis SMS-boð við bønarevnum, einum Guds orði og tíðindum.

Tú kanst, til eina og hvørja tíð, frámelda Tíðindabrævið og SMS-tænastuna.
      
Israelsmissiˇnin | Trˇndarbrekka 1, FO-510 Fuglafj°r­ur - Faroe Islands | Tlf.: +298 770707