Bookmark and Share     Sitemap    
 
 
 

SHALOM

VŠlkomin til heimasÝ­una hjß ═sraelsmissiˇnini!
 
 

Return to sender

Vit ynskja, vi­ kŠrleika og vir­ing, at bera gle­ibo­skapin aftur til r°turnar, hitt j°diska fˇlki­, og vi­ or­ og ger­ virka fyri fri­i millum Gud og menniskju og fri­ millum menniskju.
 
 

TÝ­indabrŠv

Tekna teg fyri ˇkeypis TÝ­indabrŠvinum frß ═sraels-
missiˇnini, i­ ver­ur sent vi­ t-posti eftir t°rvi.
Trřst her
 
 

Hjßlp ═sraelsmissiˇnini

Hjßlp okkum at bera ta­ besta vit fingu ˙r
═srael, evangelii­, aftur til ═sraelsfˇlk!
Les meira
 
 

Tey kenna ikki Jesus!

Einans 1% av j°diska fˇlkinum kenna Jesus Messias!
Hv°nn skal eg senda? spyr Harrin. (Jesaja 6.)

═sraelstoymi­/TeenStreet summari­ 2017

 
Kom við á Ísraelstoymið 2017. Tú fært eisini TeenStreet við

ANDALIGT RETREAT
Túrurin byrjar við einum sokallaðum "andaligum retreat" í Migdal. Migdal er ein lítil og hugnalig bygd við Genesaretvatnið. Haðani gera vit styttri túrar til Deyðahavið, Massada, Genesaretvatnið, Jerúsalem og aðrastaðni. Og fyri tey, ið dáma væl at ganga, fara vit at skipa fyri styttri gongutúrum í vøkru náttúruni kring Migdal.

TÆNASTA HJÁ SAMKOMU Í ISIFYA
Í tvær vikur tænir toymið við ymiskum praktiskum uppgávum. Nógv børn eru dagliga knýtt til samkomuna og verða nøkur frá toyminum við í barnaansingini. Onnur fara at mála, rudda, vaska og gera ymiskt havaarbeiði.

TEENSTREET Í OFFENBURG
Aftaná smáar tríggjar vikur í Ísrael, verður flogið beinleiðis til Týsklands. Har verða vit partur av altjóða TeenStreet tænastutoyminum. Uppgávurnar eru nógvar og ymiskar, so har verða vit ikki arbeiðsleys.

Farið verður eftir ætlan úr Føroyum 6. juli og komið verður heimaftur 2. august.

PRAKTISKIR UPPLÝSINGAR
Aldursmark: 18 ár
Kostnaður: 17.500,- Sigast skal, at vit fara at hava ymisk innsavningartiltøk. Hini árini hevur kostnaðurin verið umleið 8.000,- í part, aftaná innsavningarnar
Kunningarkvøld: Kunningarkvøld við ymiskari luttøku verður 23. november kl 19.30 í Glyvra missiónshúsi
Tilmeldingarfreist: 20. desember 2016.
Ferðin, retreatið og tænastan í Ísrael verður gjørt í tøttum samstarvi við Ísraelsmissiónina. TeenStreet verður gjørt í samstarv við OM Føroyar

KONTAKIR:
Anton Højgaard, antonhojgaard77@gmail.com, 739313
Kartin Høgnesen, kartinhognesen@gmail.com, 743122

Volont°rur Ý ═srael

 
Leygardagin 11. mars fór Kartin Høgnesen úr Leirvík til Ísrael. Hann verður volontørur hjá Ísraelsmissiónini í tríggjar mánaðir.
 
Kartin hevur fleiri ferðir áður verið í Ísrael. Hann hevur verið við teimum flestu Ísraelstoymunum hjá Ísraelsmissiónini, ið hava virkað í Ísrael síðani 2006. So tað er als ikki nakað fremmant, hann er farin til.
Sum volontørur skal hann virka í eini kirkju í Norðurísrael. Har er bæði barna-, og ungdómsarbeiði, og nógv verður eisini gjørt við hjálpararbeiði bæði millum rúsmisnýtarar, flóttarfólk og onnur.
Ísraelsmissióni stuðlar Kartin fíggjarliga og í forbøn.
 
Sunnukvøldið, áðrenn Kartin fór avstað, varð biðið fyri honum í missiónshúsinum í Leirvík. Frants Jensen, formaður í Ísraelsmissiónini, og Árni Jacobsen, formaður í stýrinum fyri missiónshúsið í Leirvík, lósu tvey skriftstøð og bóðu fyri honum.
Á ungdómsmøtinum í Leirvík varð eisni biðið fyri honum, og øll tey 50, ið vóru har, vóru við til at biðja fyri honum.
 
Kartin verður tríggjar mánaðir í Ísrael. Síðani verður hann umleið ein mánaða heima og fer so aftur til Ísrael sum ein av leiðarunum á Ísraelstoyminum 2017.
Ísraelsmissióni heitir á vinirnar um at biðja fyri Kartin, og vil onkur stuðla, eru tey vælkomin at lata Ísraelsmissiónin eina gávu.

Um ═sraelsmissiˇnina

 
 
Ísraelsmissiónin (ÍM) varð stovnað 20. oktober 1992

Loysunarorð:
Loysunarorð og ynski okkara er tað sama sum Paulusar: "Brøður! Tað er hjartans ynski mítt og bøn til Guds, at teir (Jødarnir) mega verða frelstir! (Rómverjabrævið 10,1)

Endamál:
Ísraelsmissiónin hevur sum endamál at vekja áhuga og kunna føroyingar um, hvat Bíblian lærir um Ísrael og jødafólkið og bera hesum Guds útvalda fólki gleðiboðskapin um Jesus Messias, stuðla teimum í forbøn og við kristnum næstrakærleika.

Tað er okkara skylda sum kristin at bera jødafólkinum tað besta, tey hava borið okkum, nevniliga Jesus Messias, aftur til jødarnar.

Hetta vilja vit gera við at upplýsa um Ísrael, skipa fyri møtum, fundum, stevnum, skeiðvirksemi og øðrum, og eftir førimuni stuðla teimum messiansku jødunum og ávísum tiltøkum í Ísrael, sum fremja endamálið hjá Ísraelsmissiónini.

Ísrelsmissiónin ynskir eisini at stuðla arbeiði, ið verður gjørt at fáa frið millum jødar og arábar, og annars eisini at stuðla kristnum palestinum.

Ísraelsmissiónin stuðlar

Í fleiri ár hevur Ísraelsmissiónini stuðlað arbeiði fíggjarliga, ið verður gjørt í Ísrael at bera Guds orð til Guds fólk.
Aftur í ár stuðla vit trimum ymiskum virksemi í Ísrael. Vit stuðla arbeiðinum í Ímmanuelskirkjuni í Tel Aviv, har vit eisini hava lim í stýrinum, bíbliufelagnum í Ísrael og arbeiðinum hjá Orðið & Ísrael. Við at geva eina gávu til Ísraelsmissiónina, stuðlar tú eisini hesum arbeiðinum.
Vit takka hjartaliga fyri einhvørja gávu.

Meet the People of Israel

 
 
 
 
 
 
 
 
 
Kom til Ísrael í eitt hálvt ár sum volontørur/útsendingur fyri Ísraelsmissiónina? Send okkum ein teldupost ella ring 770707 ella 597777. Les her.

TÝ­indabrŠv og SMS-tŠnasta

Tíðindabrævið, ið er ókeypis, verður sent sum t-postur eftir tørvi.

Fá ókeypis SMS-boð við bønarevnum, einum Guds orði og tíðindum.

Tú kanst, til eina og hvørja tíð, frámelda Tíðindabrævið og SMS-tænastuna.
      
Israelsmissiˇnin | Trˇndarbrekka 1, FO-510 Fuglafj°r­ur - Faroe Islands | Tlf.: +298 770707