Kom við á bíbliuskeið í Ísrael

Bíbliuskeiðið verður hildið í danska húsinum hjá Ordet & Israel í Poriya, sum liggur við Genesaretvatnið, frá umleið 29. juni til 16. juli 2019.

Vit gista á dupultkømurum við aircondition í sera vakra og friðarliga býnum Poriya. Har er einastandandi vakurt útsýni yvir Genesaretvatnið.
Vit hava húsið fyri okkum sjálvi og standa sjálvi fyri reingerð. Mat fáa vit gjørdan.
Ferðast verður meginpartin av tíðini í Ísrael í persónbilum, men eisini í bussi.
Tað er sera heitt í Ísrael hesa tíðina av árinum (30-45 hitastig), og mugu luttakararnir tí tola nógvan hita.

Stutt um skránna:
– Bíbliutímar verða hildnir dagliga.
– Undirvísing fer eisini fram, tá ið vit ferðast út á ymisk bíbilsk støð.
– Vit búgva stutt frá Tiberias, har møguleiki er at fara til handils, svimja, njóta sólina v.m.
– Teir seinastu dagarnar verða vit í Jerúsalem.

Ein vanligur dagur:
– Útferð
– Fríløta
– Bíbliutími
– Hugni
– Andakt

Kostnaður fyri ferðina:
Ikki greitt enn.

Fyriskipari:
Ísraelsmissiónin.

Ferðaleiðarar:
Marna & Frants Jensen og Petra & Jóhan Henriksen. Ferðaleiðararnir hava fleiri ferðir áður verið ferðaleiðara í Ísrael.

Tilmeldingin hjá:
Frants Jensen, tel 793002 ella jensenfrants@gmail.com ella
Jóhan Henriksen, tel 457795 ella 457795@olivant.fo

Tekningarfreist:
15. februar 2019.

(Myndirnar eru frá bíbliuskeiðnum 2017)

Ortodoksir jødar taka við trúgv

Í Ísrael hoyra vit ikki ofta um stórar vekingar. Tá er tað meira ein og ein, ið vit hoyra um, sum taka við trúgv á Jesus. Í flestu førum eru tað verðsligir jødar.

Tað er meira sjáldan at vit hoyra um, at ortodoksir jødar taka við trúgv. Men hóast ikki so ofta, so eru tað framvegis nakrir “Paulusar”, ið koma til trúgv.
Ein av hesum er ein ortodoksur maður, ið bankaði uppá hjá prestinum í Immanuelskirkjuni í Tel Aviv. Hann kom frá einum ortodoksum jødiskum umhvørvi, og hevði ferðast langvegis fyri at koma til kirkjuna. Hann mátti finna ein prest, ið kundi týða dreymarnar, ið hann hevði droymt. Hvørja sabbatsnátt hevði hann sama dreymin. Hann sá ein kross. Nú bað hann prestin hjálpa sær.

Jødar frá Mea Shearim
Tað frættist eisini um jødar frá tí mest konservativa ortodoksa økinum í Jerúsalem, Mea Shearim, sum lesa Nýggja Testamenti, og sum eru sannførdir um, at Jesus er Messias. Teir halda hetta loynt. Halda ikki at tíðin enn er búgvin at standa fram við hesum boðskapinum.
Í blaðnum Israel Today í juli 2018 var ein yvirskrift “Nútíðar Saulus frá Tarsus”. Greinin var um Itzhak Shapira, sum var ein ortodoksur jødiskur antitrúboðari, sum fann Jesus við granskan av lógini og Talmund, jødiskum skriftum.
Kelda: Misjonsblad for Israel nr 4, 2018

Grípandi vitnisburðar um at Gud setur í frælsi

Undir eini gudstænastu hoyrdi Karen vitnisburð frá eini kvinnu, sum var illa stungin og deyðanum nær, eins og fanganum, ið var komin til trúgv og sum sat í fongslinum og fylgdi við gudstænastuni.

Í mars í ár fór Karen Elkjær Abrahamsen av Nesi til Ísraels at arbeiða sum volontørur á Ebenezarheiminum í Haifa. Hon hevur áður í Shalom-Blaðnum nr. 1, 2018 greitt frá sínum arbeiði. Nú hava vit spurt hana millum annað um tær hátíðirnar, sum eru í Ísrael í september og oktober.
– Á heiminum, har eg arbeiði, merkja vit ikki so nógv til, at tað eru hátíðir. Har eru bæði jødar, arábar og kristin, og tað verður ikki gjørt so nógv burturúr hátíðunum. Tá ið jødiska nýggjárið, rosh ha-shana, var, so varð tó grillað úti í havanum, sigur Karen.

Leyvskálahátíðin
Á leyvskálahátíðini varð heldur ikki gjørt so nógv burturúr á heiminum, men nógv varð gjørt burturúr í Eliaskirkjuni, har Karen fleiri ferðir hevur verið. Hetta er ein hátíð, har takkað verður fyri grøðina, men eisini har minst verður til tey 40 árini í oyðimørkini, tá ið Harrin leiddi og tók sær av fólkinum. Nógvastaðni í Ísrael verða leyvskálir bygdar bæði inni og úti, og fleiri sova undir leyvskálum hesa vikuna, hátíðin er.

Frælsur í fongsli
– Leyvskálahátíðin er ein gleðishátíð. Shmuel Aweida, presturin í kirkjuni, tosaði nógv um hetta, at fólkið varð sett í frælsi frá trælahaldi í Egyptalandi. Men hann legði eisini dent á, at ta veruliga gleðin fáa vit, tá ið vit eru sett í frælsi av Kristi. Og viðkomandi, ið er settur í frælsi av Kristi, er ikki trælur longur, segði hann.
– Miðskeiðis undir taluni segði hann, at tílíkt frælsi kann ein eisini hava, sjálvt í einum fongsli, um ein altso er settur í frælsi av Kristi. So tók hann fartelefonina av talarastólinum og segði, at ein fangi, ið sat handan rimarnar í tríggjar mánaðir hevði fylgt við í gudstænastuni, og hann sat og lurtaði hesa løtuna gjøgnum telefonina. Hetta var stórt at hoyra, sigur Karen.

Fekk ikki ró, fyrr enn hon fyrigav
Ein annan dag í kirkjuni vitnaði ein ung kvinna, og hon segði, at hon var álopin, stungin og  illa skadd. Hon kom tó fyri seg aftur. Hon segði, at hon fekk tað soleiðis, at hon mátti fyrigeva hesum manninum, ið hevði stungið hana. Áðrenn hon avgjørdi at fyrigeva, hevði hon tað ringt. Men seinni fór hon at vitja hendan mannin í fongslinum, og fortaldi honum, at hon fyrigav honum alt. Fangin undraði seg og spurdi, hví hon kom at siga honum hetta. Hon fekk so høvi at vitna fyri honum, og hann kom til trúgv á Jesus, sigur Karen.
Tað vísti seg, at hesin fangin var hann, sum í fleiri vikur hevði fylgt við gudstænastuni gjøgnum telefonina. Tað var stórt at hoyra, at sjálvt í fangahúsi kundi hann vera frælsur, sigur Karen.

Stóri sáttargerðardagurin
Yom kippur – tann stóri sáttargerðardagurin – hevur eisini verið í heyst. Tað er ein dagur, tá ið fólk fasta, biðja um fyrigeving og sóna seg við Gud.
– Eg var í Jerúsalem, tá ið yom kippur var. Eg var millum annað við Grátimúrin, og har sá eg nógv hvíttklødd fólk biðja. Tað var eisini lisið úr Torarulluni. Hóast álvarsamt, so var tað eisini ein gleðifest. Tað, sum eisini var serligt, var allur friðurin. Tað vóru eingir bussar og eingir bilar á gøtunum. Ja, sjálvt ikki arábararnir fingu loyvi at koyra.
– Meðan eg eri við Grátimúrin, taki eg telefonina fram og seti meg at lesa í Bíbliuni. Tá koma tvær vaktir og siga við meg, at eina heilaga løtu sum hesa, er ikki loyvi at nýta elektronisk tól. Eg hugsaði við mær, hvussu nógv jødarnir eru bundnir til lógina, hvat er loyvt og ikki loyvt. Vit eru sett í frælsi í Kristi, og eg sendi ein bøn uppeftir, at jødarnir eisini máttu uppliva tað, at vera sett í frælsi av Kristi, sigur Karen.

Vitja í Samária
Karen hevur eisini uppliva annað. Hon hevur millum annað vitjað í Samária, millum annað eina bygd, har samáritánar enn búgva og liva eftir sínum siðvenjum. Tey vitjaðu eisini býin Samária, har fjøllini Garizim og Ebal liggja hvørjumegin við, sum í Bíbliuni verða nevnd signingarfjallið og banningarfjallið. Tey sóu eisini omanyvir Sikar – sum nú verður kallaður Nablus – har millum annað Jákupsbrunnur er, og har Jesus tosaði við kvinnuna.

Aðrir føroyingar
Karen letur annars væl at. Tað hevur verið sera heitt í summar, men nú er tað eitt sindur svalligari. Hon gleðist eisini um at hava sæð tveir føroyingar – Annu Mariu og Bárður á Kinn – nakrar ferðir síðstu vikurnar, nú tey hava tænt í Norðurísrael í nakrar vikur.
Til ber at stuðla Karen við at lata eina gávu til Ísraelsmissiónina.

Kom við á bíbliuskeið í Ísrael í 2019

Bíbliuskeiðið verður hildið í danska húsinum hjá Ordet & Israel í Poriya, sum liggur við Genesaretvatnið, frá umleið 27. juni til 14. juli 2019.

Vit gista á dupultkømurum við aircondition og standa sjálvi fyri matgerð og reingerð.

Ferðast verður meginpartin av tíðini í Ísrael í persónbilum, men eisini í bussi.
Tað er sera heitt í Ísrael hesa tíðina av árinum (30-45 hitastig), og mugu luttakararnir tí tola nógvan hita.

Kostnaður fyri ferðina: Ikki greitt enn.

– Bíbliutímar verða hildnir dagliga.
– Undirvísing fer eisini fram, tá ið vit ferðast út á ymisk bíbilsk støð.
– Vit búgva stutt frá Tiberias, har møguleiki er at fara til handils, svimja v.m.
– Teir seinastu dagarnar verða vit í Jerúsalem.

Ein vanligur dagur:
– Útferð
– Fríløta
– Bíbliutími
– Hugni
– Andakt

Ferðaleiðarar:
Marna & Frants Jensen og Petra & Jóhan Henriksen.  Tey hava fleiri ferðir áður verið ferðaleiðara í Ísrael.

Tilmeldingin hjá:
Frants Jensen, tel 793002 ella jensenfrants@gmail.com ella
Jóhan Henriksen, tel 457795 ella 457795@olivant.fo

Gevandi at vera volontørur á Ebenezerheiminum

Karen Elkjær Abrahamsen av Nesi er í løtuni volontørur hjá Ísraelsmissiónini á Ebenezerheiminum í Haifa í Ísrael. Ebenezerheimið er eitt ellisheim, har fólk úr nógvum ymiskum londum búgva. Her greiðir Karen frá lívinum sum volontørur og frá arbeiðinum á Ebenezerheiminum.

Hey øll har heima!

Nú havi eg verið her á Ebenezerheiminum í Haifa í tríggjar mánaðir. Eg má siga, at tíðin gongur sera skjótt. Tá ið eg fór, var meiningin, at eg skuldi verða her í seks mánaðir, men eg fekk visa til eitt ár, og eg havi nú avgjørt at verða her í eitt ár. Eg var sera væl móttikin bæði av starvsfólkum og búfólkum.

Vit eru eitt í Jesus Messias
Nakað, sum er nýtt fyri meg á hesum túrinum í Ísrael, er, at eg møti fleiri við arabiskum uppruna, enn eg havi gjørt fyrr. Bæði millum starvsfólk og búfólk.
Ein setningur, sum eg hoyrdi ein av teim fyrstu døgunum, eg var her, var: “ Vit eru eitt í Jesus Messias!” Hetta hoyri eg bæði frá starvsfólkunum og búfólkunum.
Hesin setningur verður sera sterkur, tá ið eg veit, at fyri nógv fólk í hesum landi, eisini trúgvandi, kann tað vera ringt at liva saman. Men her á Ebenezerheiminum upplivi eg, hvussu tey liva hendan veruleikan: í Jesusi!! eru vit eitt. Hóast okkara uppruna sum jødar, arabar ella kristin.
Tosaði ein dagin við skrivstovudamuna, sum er arabi, um hetta. Ja, segði hon, tað er ikki altíð líka lætt, men í Jesusi er alt gjørligt!

Les meira her.

Fimm føroyskir volontørar í Ísrael

Í mai vóru fimm føroyingar við tilknýt til Ísraelsmissiónina volontørar í Ísrael.

Karen Elkjær Abrahamsen av Nesi er volontørur fyri Ísraelsmissiónina á Ebenezerheiminum í Haifa. Hon fór til Ísraels fyrst í mars og skuldi eftir ætlan vera har í seks mánaðir. Nú verður tað helst í 12 mánaðir.

Allan mai hava fýra føroyingar verið volontørar í Ísrael gjøgnum Yad va Lev, sum er arbeiðið hjá danska Ordet & Israel. Ísraelsmissiónin samstarvar við Ordet & Israel. Tey vóru volontørar í fýra vikur. Tey komu aftur til Føroya fyrst í juni.

Mynd:
Føroyskir volontørar í Ísrael. Frá vinstru eru: Elma Mikkelsen, Skála, Birgir Nielsen, Nes, Asbjørn Mikkelsen, Skála, Karen Elkjær Abrahamsen, Nes, og Marjan Nielsen, Nes.

 

Páskaferð í Ísrael og Jordan

Frá 25. mars til 4. apríl 2018 vóru 21 fólk á ferð í Ísrael og Jordan, sum Ísraelsmissiónin skipaði fyri. Í Jordan varð millum annað vitjað upp á Nebo fjalli og í ótrúliga vakra søguliga býnum Petra, ið fyri nøkrum árum síðani varð valdur at vera eitt av heimsins sjey undurverkum.
So varð farið til Eilat í Suðurísrael. Síðani varð modellið av tjaldtemplinum vitjað. Eisini varð vitjað í Deyðahavinum, Massada, Genesaretvatninum, Tiberias, Kapernaum, Magdala og Nasaret.
Páskirnar vórðu hildnar í Jerúsalem, og har var ferðalagið við til gudstænastu við ta tómu grøvina páskadag.
Á ferðini varð lisið úr Bíbliuni á teimum ymisku støðunum, har vitjað varð. Andaktir vóru morgun og kvøld.

Mynd: Føroyska ferðalagið í Petra.

Karen fer til Ísraels sum volontørur

Karen Elkjær Abrahamsen av Nesi, fer til Ísraels 27. februar, har hon skal vera volontørur fyri Ísraelsmissiónina. Hon skal arbeiða á Ebenezerheiminum, sum er eitt ellisheim í Haifa, har messianskir jødar, kristnir arábarar og onnur búgva. Umframt tey staðbundnu starvsfólkini, arbeiða eisini nakrir volontørar, og Karen verður ein av teimum.
Karen hevur ofta verið í Ísrael. Bæði í kibbutz í longri tíð, og ferðast í styttri tíð. Síðst, hon var í Ísrael, var á bíbliuskeiði síðsta summar, og tá varð eisini vitjað á Ebenezerheiminum. Neistin tendraðist tá aftur hjá Karen at fara í tænastu í Ísrael í longri tíð. Hetta er nú vorðið til veruleika, og komandi viku ferð hon eftir ætlan avstað.
Í sambandi við at Karen fer til Ísraels, verður bøn fyri henni í missiónshúsinum Tabor á Toftum sunnukvøldið 25. februar klokkan 18.
Ísraelsmissiónin hevur higartil havt 22 útsendingar í styttri ella longri tíð í Ísrael.
Karen verður eftir ætlan seks mánaðir í Ísrael.

Kom við á toymisferð 2018

TÆNASTA Í MEINIGHEIT Í NORÐURÍSRAEL
Í umleið tvær vikur tænir toymið við ymiskum praktiskum uppgávum í meinigheit. Talan er bæði um barnaarbeiði, barnaansing, at mála, rudda, vaska; gera ymiskt havaarbeiði og nógv annað.

SÍGGJ LANDIÐ
Umframt at tæna í meinigheit verður eisini vitjað í nøkrum av teimum kendu støðunum í heilaga landinum.

TÍÐSPUNKT:
Væntandi verður farið avstað umleið 10. juli.

FYRI HVØNN:
Trúgvandi 18 ár og eldri.

FERÐALEIÐARAR:
Magnus Pauli Juul Johannesen og Jonleif Danielsen
Vilja tit hava meira at vita, so spyrja tit bara teir báđar 😉

Sí video frá Toymisferðini 2017.
Video: Emmy Ingibjørg Sjúrðardóttir Kass og Egin Tollaksson

ÍSRAELSTOYMIĐ 2018Hevur tú hug at verđa viđ í toyminum í summar, so kunnu tit kontakta Magnus Pauli Juul Johannesen ella Jonleif Danielsen 😉Treytirnar eru, at man er trúgvandi og 18ár ella eldri 😉 Vilja tit hava meira at vita, so spyrja tit bara teir báđar 😉Video: Emmy Ingibjørg Sjúrðardóttir Kass og Egin Tollaksson

Opslået af Kartin Høgnesen på 8. januar 2018

Páskaferð til Ísrael og Jordan 2018

Ferðin verður til veruleika. Tó nøkur fá pláss eftir. Um tað hevur áhuga – ring 793002

Kom við á eina áhugaverda bíbilska ferð bæði til Ísrael og Jordan. Hetta er ein ferð, har ein fær at uppliva væl meira enn tey flestu uppliva á eini Ísraelsferð.

Ferðin er:  25. mars – 4. apríl 2018

Vit uppliva m.a.:

Jordan: Vitja høvuðsstaðin Amman, fara upp á Nebo fjall, har Móses sá inn í lovaða landið, vitja ótrúliga vakra, søguliga býin Petra, sum verður roknaður sum eitt av heimsundrunum.

Ísrael: Slappa av í sólstaðnum Eilat, vitja model av tjaldtemplinum, sum ísraelsfólk nýttu í oyðimørkini, flóta í Deyðahavinum, vitja fjallaborgina Masada, síggja og uppliva kenda bíbilska býin Jerúsalem, sigla á Genesaretvatninum, vitja Nasaret, har Jesus vaks upp, uppliva jødiskar og kristnar páskir og vera við til páskagudstænastu við tómu grøvina páskadag.

Hendan ferðin er eitt gott høvi hjá teimum, ið hava verið í Ísrael áður og ynskja at fara aftur og samstundis uppliva nakað nýtt. Ferðin er eisini vælegnað hjá teimum, ið ætla sær fyrstu ferð til Ísraels.

Kostnaður:
19.775 kr. fyri hvønn (3.400 krónur eyka fyri einakamar).

Íroknað kostnaðin:
Allar flogferðir, bussferðir, gisting á dupultkømrum á góðum hotellum, guide, morgunmatur og døgurði, drykkipeningur og allar útferðirnar á ferðini.


Ikki íroknað kostnaðin:

Ferðatryggingar, gisting í Keypmannahavn á útferðini, ein máltíð um dagin.


Kursur:

Kostnaðurin er roknaður út frá kursinum 6,38 fyri 1US$. Um kursurin broytist ella onnur avgjøld, sum vit ikki kenna í løtuni, koma, kann prísurin broytast.


Tekningarfreist:

10. januar 2018.
!!! Freistin er farin, men nøkur fá pláss eftir – ring 793002 !!!!!!!!!!!!!!!!!!!!!

Tekning hjá ferðaleiðarunum:
Marna E. og Frants Jensen, tel 793002, jensenfrants@gmail.com

Tað verður gingið nokk so fitt á ferðini, og neyðugt er at vera hampiliga væl fyri. Ferðin verður til veruleika, um nóg nógv tekna seg.

Mynd:
Føroyskt ferðalag í Petra í 2012.