Í morgin, 24. juli, fer Kartin Høgnesen úr Leirvík út sum volontørur fyri Ísraelsmissiónina
Í Ísrael skal 38 ára gamli leirvíkingurin virka sum volontørur í eini meinigheit í Isfiya í Norðurísrael.
Kartin Høgnesen var í 2017 volontørur fyri Ísraelsmissióina í tríggjar mánaðar. Ta ferðina var hann eisini volontørur í Isfiya. Kartin Høgnesen hevur eisini fleiri ferðir verið við á Ísraelstoyminum, sum hevur virkað á sama stað
Í sambandi við at Kartin Høgnesen fer avstað, varð biðið fyri honum á møtinum í missionshúsinum í Leirvík í kvøld.
Eftir ætlan verður hann umleið tríggjar mánaðar burtur.
Í Ísraelsmissiónini fegnast vit um at fáa ein nýggjan volontør út í tænastu, eftir at Karen Elkjær Abrahamsen av Nesi í Eysturoy kom heim aftur eftir at hava verið volontørur í hálvtannað ár í Haifa.
Ísraelsmissiónin stuðlar Kartin Høgnesen við eini vonontørupphædd, meðan hann er í tænastu. Fólk kunnu stuðla Ísraelsmissiónini og Kartin Høgnesen við at lata eina gávu á eitt av hesum kontonumrum:
Bank Nordik: 6460 – 159.194.2
Betri Banki: 9181 – 125.004.5
Norðoya Sparikassi: 9865 – 100.455.1
Takkað verður fyri einhvørja gávu.
Vit heita eisini á øll um at biðja fyri Kartin Høgnesen, meðan hann er burtur.
Kartin Høgnesen fer at kunna um tænastuna í Ísrael á facebook-bólkinum: Kartin & Ísrael – Ísraelsmissiónin