Nýtt búmerki

Nýggja búmerkið hjá Ísraelsmissiónini varð almannakunngjørt á 25 ára hátíðarhaldinum hjá Ísraelsmissiónini herfyri.

Um búmerkið varð millum annað sagt:
Búmerkið er ein samantvinnan av einum sjeyarmaðum ljósastaka og einum krossi. Omanfyri tvørbjálkan í krossinum eru tríggir klænir ringar, og ímynda hesir ljós gleðiboðskaparins. Ringarnir siga eisini, at fokus verður sett á nakað, í hesum føri Ísrael og jødiska fólkið. Krossurin og sjeyarmaði ljósastakin hava felags fót og felags loddrættan bjálka og merkir hetta, at kristin og jødar eru sprottin úr somu ætt – Ábrahams ætt, og eru eitt, tá ið vit eru í Kristi. Fóturin, niðast í búmerkinum, er heintaður úr bókstøvunum, og soleiðis hanga búmerkið og skriftin saman.

Tað er KREA, ið hevur teknað búmerkið.

Onnur tíðindi